Praia situada nun entorno rural, entre as praias de Montalvo e de Pragueira, cunha lonxitude de 130 m de longo con cantís verticais de máis de 10 metros de altura que protexen a praia.

Trátase da única praia nudista do municipio. A súa orientación e altura da costa fan que sexa unha das primeira praias en recibir sombra ao caer a tarde, polo que se pode dicir que é unha praia para aproveitar cedo.

Cunhas vistas magníficas da illa de Ons, pertencentes ao Parque Nacional Marítimo – Terrestre das Illas Atlánticas de Galicia, punta Faxilda e ao fondo a illa de Sálvora.