Sendeiro de 3,03 km de lonxitude total. Un dos extremos parte da praia de Foxos, desde a súa entrada principal. O outro extremo chega ata a mesma fronteira entre as praias de Areas Gordas e A Lapa, fronte ao illote denominado Outeiro das Lapas.

Na parte central deste carreiro percorreremos e poderemos contemplar as escavacións do xacemento arqueolóxico da Lanzada, o promontorio da ermida, pasando antes pola ponte que nos dá acceso e que nos permitirá ver os restos da antiga fortaleza. É un sendeiro máxico porque transcorre pola praia da nosa Señora da Lanzada, onde a lenda nos fala do baño das 9 ondas, o “Berce da Santa” … ademáis praia de Areas Gordas, mencionada no Esconxuro da Queimada.