O sendeiro é un paseo de 1.500 metros entre punta Festiñanzo e a praia de Areas.

Ambos puntos están unidos por un camiño de táboas de madeira e outro asfaltado, dende o que podemos contemplar o complexo dunar da praia, con flora típica destes ambientes.

Entre estas dunas discorre o pequeno río Dorrón, que baixa desde o val de Bordóns. Dende a punta Festiñanzo podemos contemplar a praia de Areas en toda a súa extensión, e ademais tamén temos unha estupenda vista do Porto Deportivo de Sanxenxo. Como parte da praia de Areas atopamos unha pequena praia que recibe o nome de praia dos Mortos. Esta praia recibe este nome porque era un lugar onde frecuentaban a aparecer os afogados dos naufraxios na Ría.