Ruta que alcanza unha lonxitude total de 8,61 km e transcorre entre os núcleos urbanos de Sanxenxo e Portonovo. En Sanxenxo discorre polo porto deportivo Juan Carlos I, desviando un tramo cara á praia urbana da Panadeira, percorrendo toda a praia de Silgar e o parque arborado de punta Vicaño. En Portonovo o sendeiro discorre pola praia de Baltar, a única praia urbana en Pontevedra con sistema dunar.

Limita co centro urbano de Portonovo, pasando polos portos deportivos e pesqueiros, continuando pola costa ata o miradoiro de Caneliñas, onde podemos ver o monumento de bronce ás traballadoras do mar, “A Peixeira”, forxado co mesmo bronce que a estatua da Madama de Silgar en Sanxenxo. Desde este mirador contemplaremos, entre outras cousas, a praia resguardada de Caneliñas, a senda chega á súa parte central.